अख्तियार दुरूपयोग अनुसन्धान आयोगले महानगरीय अपराध महाशाखा टेकु अन्तर्गत कारागार कार्यालय, सुन्धारामा कार्यरत प्रहरी सहायक निरीक्षक विरुद्ध आरोपपत्र दायर गरेको छ।
आइतबार अख्तियारले प्रहरी सहायक निरीक्षक उमेश केसी विरुद्ध ६० लाख बिगो कायम गरी विषेश अदालत काठमाडौंमा मुद्दा दायर गरेको हो।
केसीले महानगरीय प्रहरी परिसर ललितपुरमा दर्ता भएको सामुहिक बलात्कारको एक मुद्दामा पिडित समूहको बयान मिलाउन घुस माग गरिरहेको भन्ने सूचना पाएको थियो।
त्यही उजुरीका आधारमा अनुसन्धान थाल्दा केसीले सेवाग्राहीसँग घुस लिएको पुष्टी भएको अख्तियारले जनाएको छ।
अख्तियारले ६० लाख रुपैयाँ बराबर बिगो रकम कायम गरी छ देखि आठ वर्षसम्मको कैद सजाय मागदाबी सहित आरोपपत्र दायर गरेको हो।