सीमामा रहेका नेपाली श्रमिकलाई तत्काल मुलुक प्रवेश गर्ने बाटो बन्द भएको छ।
बिहीबार बसेको उच्चस्तरीय समन्वय समितिको बैठकले सीमामा रहेका नेपालीले सोही स्थानमा कम्तीमा १४ दिन क्वारेन्टाइनमा बस्नुपर्ने निर्णय गरेको छ।
सरकारका प्रवक्ता एवं अर्थमन्त्री युवराज खतिवडाले १४ दिनको क्वारेन्टाइनको बसाइपछि मात्र श्रमिकहरूलाई सीमा क्रस गर्न पाउने जनाएका छन्।
उनले भारतीय सीमामा रहेका नेपालीलाई अप्ठेरो भएकोमा छिमेकीले नै व्यवस्था गरिरहेको बताए। अहिले सुदूरपश्चिमको महाकाली नदी पारि विभिन्न ठाउँमा नेपाली श्रमिक अड्किएका छन्।
यसअघि केही नेपाली नदीमै हाम फालेर नेपाल आए पनि उनीहरूलाई सुरक्षाकर्मीले रोकेका थिए। साथै धेरै नेपालीहरूले सीमाबाटै आफ्नो नागरिकलाई फिर्ता ल्याउँ भन्दै नारा लगाएका थिए।