ब्राजिलले यानोमामी आदिवासी समुदायमा पहिलो कोरोना भाइरस संक्रमित भेटिएको पुष्टि गरेको छ।
वर्षावनको दुर्गम भेगमा बसोबास गर्दै आइरहेका यो समूह पहिले नै विभिन्न घातक रोगको चपेटासँग परिचित रहेका छन्।
अधिकारीहरुका अनुसार संक्रमित व्यक्ति १५ वर्षका बालक हुन्। हाल उनको आईसियूमा उपचार भइरहेको छ।
‘हामीले आदिवासी समुदायसँग थप सर्तक रहनुपर्छ, विशेषगरी बाहिरी संसारसँग कम सम्पर्कमा रहेका मानिसहरुसँग’, स्वास्थ्य मन्त्री लुइज हेनरिक मन्डेटाले भने।
त्यहाँका संवाददाताहरूले योसँगै ब्राजिलका आदिवासीमध्ये सात जनामा कोरोना संक्रमण पुष्टि भएको बताएका छन्।
ब्राजिलमा तीन सय बढी आदिवासी समुदायका ८० लाख बढि जनसंख्या छ।
केही साता अघि मात्र कोकोमा जातीका आदिवासीमा पहिलोपटक कोरोना भाइरसको संक्रमण देखिएको थियो।