मोरङमा छोराले आमाको हत्या गरेपछि आत्महत्या गरेका छन्।
बिहीबार बिहान साढे ११ बजे बेलबारी नगरपालिका-४ कामुक बुधबारेमा ३० वर्षीय छोरा जीवनबहादुर लिम्बुले ५५ वर्षीया आमा देवी कुमारी लिम्बुको हत्या गरेका हुन्।
जीवनले आमाको हत्या गरेपछि आत्महत्या गरेका जिल्ला प्रहरी कार्यालयका डिएसपी मानबहादुर राईले जानकारी दिए।
छोराले आमाको टाउको र निधारमा छुरी प्रहार गरी हत्या गरेका थिए भने पछि आफ्नै घाँटी र पेटमा सोही छुरीले प्रहार गरी घाइते बनेका थिए। घाइते भएका लिम्बूको उपचारका क्रममा सामुदायिक अस्पताल नोबेल बेलबारीमा मृत्यु भएको थियो।
प्रहरीले थप अनुसन्धान थालेको जिल्ला प्रहरी कार्यालयले जनाएको छ।