कान्तिलोकपथ अन्तर्गतको हेटौँडा उपमहानगरपालिका–६ चौघडामा आज दिउँसो ४ बजे सवारी दुर्घटना हुँदा एकजनाको मृत्यु भएको छ।
जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्रबहादुर रानाले दिएको जानकारीअनुसार बा२ क ७११० नंको ट्रकले अनटेष्ट स्कुटरलाई ठक्कर दिँदा स्कुटर चालक करिब ४० वर्षीय श्यामफुल बलामीको मृत्यु भएको हो।
ट्रकको ठक्करपछि घाइते भएका बलामीलाई उपचारका लागि हेटौँडा अस्पताल लगिएको थियो।
उनको उपचारका क्रममा मृत्यु भएको प्रहरीले जनाएको छ ।