धनुषामा आइतबार मृत्यु भएका पुरूषमा कोरोना संक्रमण पुष्टि भएको छ।
धनुषाको मिथिला विहारी नगरपालिका वडा नम्बर ५ का ती पुरूष विगत पाँच दिनदेखि रुघाखोकी, टाउको दुख्ने लगायतका समस्याले ग्रस्त थिए। उनको आइतबार मृत्यु भएको थियो। उनको मृत्युपश्चात् कोरोना परीक्षणको लागि स्वाब संकलन गरिएको थियो।
आइतबार मृत्यु भएको पुरूषमा आज कोरोना संक्रमण पुष्टि भएको धनुषाका प्रमुख जिल्ला अधिकारी प्रेम प्रसाद भट्टराईले जानकारी दिए ।
उनी विगत पाँच महिनादेखि विनयतारा फाउण्डेसनमा सेक्युरिटी गार्डको रूपमा काम गर्दै आएका थिए।