बुटवलको कोरोना अस्पतालमा उपचाररत् एक जना कोरोना संक्रमितको मृत्यु भएको छ।
उच्च ज्वरो आएपछि बिहीबार लुम्बिनी प्रादेशिक अस्पतालको फिवर क्लिनिकमा पुगेका बुटवल उपमहानगरपालिका वडा नम्बर १० का ७२ वर्षीय पुरूषको शुक्रबार दिउँसो मृत्यु भएको हो।
कोरोना संक्रमण आशंकामा पिसिआर परीक्षण गर्दा शुक्रबार बिहान कोरोना संक्रमण पुष्टि भएको थियो।
कोरोना पुष्टि भएलगत्तै आइसियूका लागि कोरोना विशेष अस्पतालमा पुगेलगत्तै उनको मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले बताए।
उनको मृत्यु भएसँगै रुपन्देही जिल्लामा मृत्यु हुने कोरोना संक्रमितको संख्या २२ पुगेको छ।
