बाँकेमा आइतबार थप एक जना कोरोना संक्रमित पुरुषको मृत्यु भएको छ।
नेपालगञ्ज उपमहानगर वडा नम्बर ९ बाँके गाउँका ४७ वर्षीय पुरुषको मृत्यु भएको हो।
उनी नेपालगञ्ज मेडिकल कलेज शिक्षण अस्पताल नेपालगञ्जको प्रशासनिक कर्मचारी हुन्।
उनलाई भदौ ३१ मा कोरोना देखिएको थियो।
स्वास्थ्यमा समस्या देखिएपछि उनको केही समयदेखि नेपालगञ्ज मेडिकल कलेजको आइसोलेसनमा राखेर उपचार गरिएको थियो।
प्लाज्मा थेरापीलगायत सबै प्रकारका उपचारका विधिमार्फत् उपचार गरेपछि उनलाई बचाउन नसकेको मेडिकल कलेजले जनाएको छ।
आइतबार बिहान करिब ५ बजे ती पुरूषको मृत्यु भएको हो।
योसँगै बाँकेमा कोरोना संक्रमणले मृत्यु हुनेको संख्या १३ पुगेको छ।
