कोरोनाबाट पछिल्लो २४ घण्टामा ३७ जनाको मृत्यु भएको छ।
सोमबार स्वास्थ्य तथा जनसंख्या मन्त्रालयले दिएको तथ्यांक अनुसार पछिल्लो २४ घण्टामा ३७ जनाको मृत्यु भएको हो।
कोरोनाबाट मृत्यु हुनेको यो अहिलेसम्मै बढी संख्या हो। योसँगै कोरोनाबाट मृत्यु हुनेको संख्या ३३६२ पुगेको छ।
यसैगरी, पछिल्लो २४ घण्टामा नेपालमा थप ७ हजार ४४८ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार १६ हजार ६५८ पिसिआर परीक्षणमा ७ हजार ३८८ जना र ५१८ एन्टिजेन परीक्षणमा ६० जना गरी एकैदिन ७ हजार ४४८ जनामा कोरोना संक्रमण पुष्टि भएको हो।
यो संक्रमण नेपालमा हालसम्मकै सर्वाधिक हो।
