प्रदेश २ का १९ प्रहरी र ५६ जना थुनुवामा संक्रमण देखिएको प्रदेश २ प्रहरी कार्यालयले जनाएको छ।
प्रदेश २का प्रहरी प्रमुख धिरजप्रताप सिंहका अनुसार महोत्तरी बाहेक ७ वटै जिल्लाका प्रहरी अधिकारीमा कोरोनाको संक्रमण देखिएको छ । उनका अनुसार सबैभन्दा बढी बारा जिल्लामा ६ जना प्रहरीमा संक्रमण देखिएको छ।
त्यस्तै, पर्सामा ५, सर्लाहीमा ३, सिरहामा २ र सप्तरी, धनुषा तथा रौतहटमा १÷१ जना प्रहरीमा कोरोना संक्रमण पुष्टि भएको सिंहले बताए। संक्रमितमध्ये पर्साका एक जनाको अक्सिजन सहायतामा उपचार भइरहेको छ भने बाँकीको अवस्था सामान्य छ। उनीहरु सम्बन्धित कार्यालयकै आइसोलेसनमा उपचार गराइरहेका छन्।
यस्तै, प्रदेशमा ५६ जना थुनुवामा पनि कोरोना संक्रमण देखिएको छ। सबैभन्दा बढी पर्सा प्रहरीको नियन्त्रणमा रहेका ३९ जना थुनुवामा कोरोना संक्रमण पुष्टि भएको हो।
त्यस्तै, रौतहटका १०, धनुषाका ५ तथा महोत्तरी र सर्लाही प्रहरीको नियन्त्रणमा रहेका १/१ जना थुनुवामा संक्रमण देखिएको छ। सप्तरी र सिरहाका थुनुवामा हालसम्म संक्रमण देखापरेको छैन। संक्रमित थुनुवाहरुलाई पनि सम्बन्धित प्रहरी कार्यालयकै आइसोलेसनमा राखिएको प्रहरीले जनाएको छ।