कञ्चनपुरमा ११ वर्षीया बालिकालाई बलात्कार गरेको आरोपमा पक्राउ परेका पुरूषलाई प्रहरीले सार्वजनिक गरेको छ।
कृष्णपुर नगरपालिका–४ गुलरियाका ५३ वर्षीय धनबहादुर गुरूङलाई प्रहरीले मंगलबार सार्वजनिक गरेको हो।
उनले जेठ २३ गते स्थानीय ११ वर्षीया बालिकालाई फकाएर बलात्कार गरेको भन्दै बालिकाका आफन्तले ३० गते प्रहरी कार्यालयमा उजुरी गरेका थिए।
उजुरीको आधारमा उनलाई पक्राउ गरी सार्वजनिक गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा क्षेत्रीले जानकारी दिए।
अदालतबाट ५ दिनको म्याद थप गरी पक्राउ परेका गुरूङमाथि अनुसन्धान भइरहेको उनले बताए।
