पर्सा प्रहरीले ६५ किलो गाँजासहित एक जनालाई पक्राउ गरेको छ।
पक्राउ पर्नेमा मकवानपुर मनहरी गाउँपालिका-६ नयाँबस्तीका ५१ वर्षीय रामकुमार मोक्तान छन्।
उनलाई वीरगञ्ज महानगरपालिका-१८ भवानीपुरबाट पक्राउ गरिएको पर्सा प्रहरी प्रवक्ता डिएसपी ओमप्रकाश खनालले बताए।
भवानीपुरमा रोकिराखेको प्रदेश-०१-००६ ख १८२८ नम्बरको ट्रकको तलासी लिँदा ट्रकको क्याबिनको सिटपछाडिबाट मोक्तानलाई पक्राउ गरिएको खनालले बताए।
चार वटा ठूलो प्याकेटमा लुकाएर राखेको गाँजा र ट्रक बरामद गरी मोक्तानलाई हिरासतमा लिइएको खनालले बताए।
प्रदेश २ प्रहरी कार्यालय जनकपुरको सूचना तथा संयन्त्र प्रयोग गरी मोक्तानलाई पक्राउ गरिएको खनालले बताए।
बरामद भएको गाँजा मोक्तानले मकवानपुरबाट पर्सा हुँदै भारत निकासी गर्न खोजेको बुझिएको छ। उनी भरिया रहेको डिएसपी खनालले बताए।
मोक्तानलाई लागुऔषध ओसारपसार तथा कारोबारमा हिरासतमा लिएर अनुसन्धान थालिएको खनालले जानकारी दिए।