झापामा एकै परिवारका तीन जनाको शव फेला परेको छ।
कनकाई नगरपालिका वडा नम्बर १ सिर्जना टोलमा सोमबार बिहान तीन जनाको शव फेला परेको प्रहरीले जनाएको छ।
३४ वर्षका रविन विक, उनकी श्रीमती २९ वर्षकी मुना विक र आठ महिनाकी छोरी रूविना विकको शव फेला परेको प्रहरी नायब उपरीक्षक सन्तोष आचार्यले बताए।
उनीहरूले आत्महत्या गरेको आशंका छ। यसबारे प्रहरीले विस्तृत अनुसन्धान सुरू गरिसकेको जनाएको छ।
