अरनिको राजमार्गस्थित सूर्यविनायकको सल्लाघारी खण्डमा सोमबार राति भारतीय टेलरको ठक्करबाट मोटरसाइकल चालकको मृत्यु भएको छ।
मृत्यु हुनेमा सूर्यविनायक नगरपालिका-३ बालकोटका ४५ वर्षीय गणेश रजौरा रहेको प्रहरीले जनाएको छ।
राति साढे १० बजे नगरकोट मोडबाट काठमाडौं जाँदै गरेको प्रदेश ३-०२-००८ प २५०१ नम्बरको मोटरसाइकललाई आरजे ०२ जिबी १९१७ नम्बरको १८ चक्के भारतीय टेलरले ठक्कर दिएको थियो।
ठक्करबाट गम्भीर घाइते भएका रजौराको भक्तपुर अस्पतालमा उपचारको क्रममा मृत्यु भएको जिल्ला परिसर भक्तपुरले जनाएको छ।
मोटरसाइकलको पछाडि सवार कौशलटारका २८ वर्षीय अमृत सिलवाल सामान्य घाइते छन्। उनी उपचारपछि डिस्चार्ज भइसकेका छन्।
टेलर चालक देश भारत राजस्थान प्रदेश अलबर जिल्ला बस्ने ५० वर्षीय महादेव शर्मालाई महानगरीय प्रहरी वृत्त जगातीले नियन्त्रढमा लिएको छ।
तीब्र गति र पानी परिरहेको कारण बाटो चिप्लो हुँदा अनियन्त्रित भई टेलरले मोटरसाइकललाई ठक्कर दिएको प्रहरीले जनाएको छ।