कंगो अपरेसनमा ज्यान गुमाएका सैनिक प्युठ अनिल गुरूङको शव नेपाल ल्याइएको छ।
उनको शव मंगलबार कंगोबाट फिर्ता ल्याइएको नेपाली सेनाको जनसम्पर्क निर्देशनालयले जनाएको छ।
चैत २२ गते कंगोमा सञ्चालन भएको अपरेसन बालीको क्रममा विद्रोहीको फायरबाट घाइते भएका गुरूङको बुनियाँस्थित अस्पतालको उपचारको क्रममा मृत्यु भएको थियो।
गुरूङको शव नेपाल ल्याएर छाउनीस्थित वीरेन्द्र अस्पतालमा बुधबार बिहान प्रधानसेनापति प्रभुराम शर्माले श्रद्धञ्जली अर्पण गरेका थिए। उनलाई सेनापति शर्माले पार्थिव शरीरमा नेपाली सेनाको झन्डा ओढाई श्रद्धाञ्जली अर्पण गरेका थिए।
गुरूङको शवलाई बुधबार नै नेपाली सेनाको हेलिकप्टरबाट उनको गृह जिल्ला सुर्खेत लगेर परिवारलाई हस्तान्तरण गरिने नेपाली सेनाले जनाएको छ।
त्यहाँ तैनाथ युनिटबाट अन्तिम सलामी प्रदान गरिनेछ।
यो पनि: ‘लौ बा पल्टनबाट फोन आउला उठाउनू, अनिलले वीरगति प्राप्त गर्यो’
तस्बिरहरू:
