काठमाडौंको बालाजु बाइपासस्थित एक कारखानामा आगलागी भएको छ।
बुधबार करिब पौने १२ बजे जुत्ता कारखानामा आगलागी भएको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए।
उनका अनुसार अहिले आगो नियन्त्रणमा लिने प्रयास भइरहेको छ।
काठमाडौं महानगरको एउटा दमकल त्यहाँ पुगिसकेको छ। अर्को ललितपुरको पनि दमकल त्यहाँ जाँदै छ।
आगो के-कसरी लागेको हो भन्ने खुलिसकेको छैन।
