जेनेभा नेपाली जनप्रगतिशील मन्च स्वीजरल्याण्डले बाढीपीडित क्षेत्रमा चर्पीको अभावमा सरुवा रोग फैलिइरहेको हुँदा सो रोकथाम गर्न तत्कालै चर्पी निर्माण गर्ने काममा अग्रसरता देखाएको छ।
इटहरी क्षेत्रमा झाडापखाला देखिएको हुनाले सोही क्षेत्रमा खटिएका युवा नेता दिपेश पुन मार्फत् सो अभियान चलाउन मन्चले ६१ हजार रुपियाँ तुरुन्तै पठाएको छ ।
पर्यटन व्यवसायी राम नेपालले त्यसमा ५० हजार थपिदिएका छन्। अनेरास्ववियू क्रान्तिकारीका विद्यार्थीहरुको सहयोगमा पुनकै अगुवाइमा चर्पी निर्माण कार्य भइरहेको छ ।
