आगामी जेठ ३ देखि हुने ‘वुमन्स च्याम्पियन्स टी ट्वान्टी लिग’का लागि सहभागी टोलीका मालिक र मार्की खेलाडी घोषणा भएका छन्।
क्विन्स इभेन्ट्स म्यानजमेन्ट प्रा. लि.ले शुक्रबार राजधानीमा आयोजना गरेको पत्रकार सम्मेलनमार्फत काठमाडौंमा हुने प्रतियोगिताका लागि मार्की खेलाडी र मालिकको जानकारी गराएको हो।
लिगमा ललितपुर फाल्कोन्स, पोखरा पल्टन, क्यापिटल्स रोयल्स काठमाडौं, चितवन राइनोज र विराटनगर टाइन्टस गरि ५ टिमले प्रतिस्पर्धा गर्नेछन्।
शुक्रबार सार्वजनकि मालिकहरूमा ललितपुर फाल्कोन्सको मालिकमा श्रीजना जोशी, पोखरा पल्टनमा विनायक पोखरेल, काठमाडौंमा दिपा अग्रावाल, चितवन राइनोजमा मिङमा डण्डु शेर्पा र विराटनगरको पारस लुनिया छन्।
यस्तै पूर्व कप्तान नेरी थापा ललितपुरकी मार्की खेलाडी तोकिदाँ पोखरामा सिता रानामगर, काठमाडौंमा राष्ट्रिय टोलीकी कप्तान रुविना क्षेत्री, चितवनमा इन्दु बर्मा र विराटनगरमा सरिता मगर मार्की खेलाडी चुनिए।
यसअघि चैत २२ बाट ३० गतेसम्म हुने घोषणा गरेको प्रतियोगिता प्राविधिक कारणले सानुर्नपरेको क्विन्स इभेन्ट्सका प्रबन्ध निर्देशक छुम्मी लामाले जानकारी दिए।
- ललितपुर फाल्कोन्सः मालिक श्रीजना जोशी, मार्की खलाडी नेरी थापा
- पोखरा पल्टनः मालिक विनायक पोखरेल मार्की खलाडी सीता रानामगर
- क्यापिटल्स रोयल्सः काठमाडौंः मालिक दिपा अग्रवाल मार्की खेलाडी रुविना क्षेत्री
- चितवन राइनोजः मालिक मिङमा डण्डु शेर्पा मार्की खेलाडी इन्दु बर्मा
- विराटनगर टाइटन्सः मालिक पारस लुनिया र मार्की खेलाडी सरिता मगर