भारतमा जारी इन्डियन प्रिमियर लिग (आइपीएल) मा नेपाली बलर सन्दीप लामिछानेको टिम दिल्ली क्यापिटल्सले ७ वर्षपछि प्लेअफमा स्थान बनायो। दिल्लीभन्दा अगाडि नै साविक विजेता चेन्नेई पनि प्लेअफमा पुगिसकेको छ।
शीर्ष चार टिम प्लेअफमा पुग्ने प्रावधान अनुसार दुई टिमको टुंगो लागिसकेको छ भने बाँकी ६ टिम तेस्रो र चौथो स्थानका लागि भिडन्तमा छन्।
आइपीएलको शीर्ष चारमा पुग्न बाँकि ६ टिमको सम्भावना उतिकै छ। तर, त्यसका लागि हरेक टिमले आफ्नो खेल जित्नुका साथै अरू टिमको नतिजामा पनि भर पर्नुपर्ने देखिएको छ। शीर्ष चारमा स्थान बनाउने होडमा पहिलो स्थानमा मुम्बई इन्डियन्स छ। उसले १२ खेलमा १४ अंक बनाएको छ। त्यसपछि हैदरावाद, कोलकाता, पञ्जाव र राजस्थानको समान १०–१० अंक रहेको छ।
यसका साथै लिगको पुछारमा रहेको बैंग्लोरको प्लेअफ यात्रा पनि अझै बाँकि छ। प्रतियोगितामा मुम्बई, कोलकाता, बैंलोर र राजस्थानले दुई दुई खेल खेल्न बाँकि छन भने हैदरावाद र पञ्जावले तीन खेल खेल्न बाँकि छ।
यस्तै अवस्थामा शीर्ष चारमा पुग्ने बाँकि दुई टिमको प्रतिस्पर्धा निकै रोमाञ्चक हुने अपेक्षा गरिएको छ।
मुम्बइले बाँकि दुई खेलमध्ये एक खेल जितेमा उसले पनि प्लेअफमा स्थान बनाउनेछ। त्यसपछि ११ औं चरणको खेलसहित अरु दुई खेल जितेमा हैदरावाद र पञ्जावमा एक टिम प्लेअफमा पुग्नेछन्। तर, त्यसका लागि दुई मध्ये एक टिमले दुबै खेल जित्नुपर्नेछ।
यदि कोलकाताले पनि अब बाँकि दुई खेलमा जितेमा उसको पनि मौका हुनेछ। तर, अन्तिम प्लेअफ पुग्नका लागि अन्तिममा रनरेटले पनि ठूलो भूमिका खेल्ने सम्भावना छ।
यता हिजो दिल्लीसँग पराजित भएको बैंलोर पनि आफूले दुई खेलमा फराकिलो अन्तरमा जितेर अरू टिमले आफू अनुकुल नतिजा निकालेमा उसको पनि सम्भावना छ।