इङ्ल्याण्डमा जारी विश्वकप क्रिकेटमा श्रीलंकाले वेस्ट इण्डिजलाई २३ रनले पराजित गरेको छ।
श्रीलंकाले दिएको ३३९ रनको लक्ष्य पछ्याउन आएको इण्डिजले निर्धारित ओभरमा ९ विकेटको नोक्सानीमा ३१५ मात्र बनाउन सकेपछि २३ रने पराजित भएको हो।
लक्ष्य पछ्याउने क्रममा वेस्ट इण्डिजका लागि निकोलस पुरनले ११८ रनको शतकिय पारी खेले पनि इण्डिजलाई जिताउन सकेनन्। यसैगरी इण्डिजका लागि फेबेयन एलनले ५१ तथा क्रिस गेलले ३५ रन बनाए।
इण्डिजलाई ३१५ रनमा समेट्ने क्रममा श्रीलंकाका लागि लसिथ मलिगाले ३ विकेट लिए भने कसुन रजिथा, एंजिलो म्याथु तथा वान्डरसले समान १-१ विकेट लिए।
त्यस अघि ब्याटिङ गरेको श्रीलंकाले वेस्ट इन्डिजविरुद्ध ६ विकेटको क्षतिमा ३३८ रन बनाएको थियो।
श्रीलंकाका लागि अभिस्का फर्नान्डोले सतक हिर्काए।
उनले १०३ बलमा १०४ रन जोड्न ९ चौका र २ छक्का हिर्काए। उनको विश्वकप र एकदिवसीय खेलमा पहिलो सतक हो। कुशल परेराले ६४ रन र दिमुख करुणारत्नले ३२ रन जोडे।
लिहरु थिरमानेले नटआउट ४५ रन बटुल्दा कुशल मेन्डिसले ३९ रन र एंजिलो माथ्युले २६ रन जोडे।
बलिङमा वेस्ट इन्डिजका जासन होल्डरले २ विकेट लिए। सेलडम कोट्रेल, ओसान थोमस र फाबियन एलेनले १- १ विकेट लिए।
दुवै टोली यसअघि नै विश्वकपबाट बाहिरिसकेका छन्।