अस्ट्रेलियाका पूर्व कप्तान स्टीव वाले भारतीय पूर्वकप्तान, ब्याटस्म्यान तथा विकेटकिपर मेहन्द्र सिंह धोनीको बचाउ गरेका छन्।
उनले धोनीको अनुपस्थितिमा भारतीय टोलीले एउटा पनि खेल नजित्ने दाबी गरेका छन्।
'मलाई लाग्छ, यो अन्यायपूर्ण हुनेछ। धोनीले भारतका लागि कयौं खेल जितेका छन् र उनी लामो समयदेखि खेलिरहेका छन्। उनी तपाईलाई यस्तो स्थिति दिन सक्छन् जहाँ बाट तपाईं कुनै पनि खेल जित्नसक्नुहुन्छ तर उनी बिना भारतीय टोलीले एउटा पनि खेल जित्न सक्दैन', वाँले भारतीय समाचार संस्था एएनआइलाई दिएको अन्तरवार्तामा भनेका छन्।
आफ्नो कप्तानीमा अस्ट्रेलियालाई सन् १९९९ को विश्वकप जिताएका वाँले भने, 'निसन्देह, तपाई हरेक खेल जित्न सक्नुहुन्न। न्युजिल्याण्डविरूद्धको खेलमा दोश्रो रन लिनेक्रममा उनी केहि इन्चले चुके तर उनले अतभूत प्रदर्शन गरे। मलाई थाहा छ, एक दिवसीयमा लक्ष्य पिछा गरेर जित्न कति कठिन हुन्छ, उनले अन्य खेलाडीको तुलनामा सबैभन्दा राम्रो प्रदर्शन गरे।'
उनले आफूले भारतले जित्ने अनुमान गरेको भए पनि बोल्ट र हेनेरीले उत्कृष्ट बलिङ गर्दै खेल आफूतर्फ ढल्काएको बताए।
'मलाई भारतले २४० रनको लक्ष्य पूरा गर्छ भने आशा थियो तर हेनरी र बोल्टले शानदार बलिङ गर्दै सुरूमै ३ विकेट लिए। ठूलो खेलमा दबाबका कारण लक्ष्य पछ्याउन कठिन हुन्छ। भारतका खेलाडी पनि निराश भएको हुनुपर्छ', उनले भने।