भारतीय टोली वेस्ट इण्डिज भ्रमणका लागि यतिबेला अमेरिकामा रहेको छ। आज उसले आफ्नो भ्रमणको पहिलो टि-२० सिरिज खेल्नेछन्। दुबै टोली विश्वकपपछि पहिलोपटक खेल्दैछन्।
इण्डिजको टोली आफ्नो नयाँ कप्तानसहित मैदानमा उत्रदै छ भने भारतले विराट कोहलीको कप्तानीमा खेल्नेछ।
त्यस्तै भारतीय टोलीका कप्तान कोहली र उपकप्तानबीच मतभेदको खबर पछिल्लो समय चर्चामा छ।
यस खबरको सत्यता थाहा नभएपनि मैदानमा उनीहरूबिच रोचक प्रतिष्पर्धा भने हेर्न सकिनेछ। दुबैले टि-२० अन्तराष्ट्रिय खेलमा एकअर्कालाई ३ प्रमूख कीर्तिमानका लागि एकअर्कालई चुनौती दिनेछन्।
- रनको प्रतिष्पर्धाः रोहित हाल टि-२०मा सर्वाधिक रन बनाउने खेलाडी हुन्। विराट यस मामिलामा तेश्रो नम्बरमा रहेका छन्। रोहितले ९४ खेलबाट २ हजार ३ सय ३१ रन जोडेका छन् भने कोहलीले ६७ खेलबाट २ हजार २ सय ६३ रन जोडेका छन्। यसको मतलब दुबैबिच मात्र ६८ रनको अन्तर छ। नम्बर १ मा कायम रहन रोहितले राम्रो रन बनाउनुपर्नेछ भने विराटले पनि सो तोड्न राम्रो रन बटुल्नुपर्नेछ।
- सर्वाधिक अर्धशतकको बराबरी
विराट र रोहितबिच रनको मात्र प्रतिष्पर्धा छैन उनीहरूबिच सर्वाधिक अर्ध शतक बनाउने प्रतिष्पर्धा पनि छ। दुबैले टि-२०मा हालसम्म समान २०-२० अर्धशतक बनाएका छन्। यस मामिलामा हालै दुबै नम्बर १ स्थानमा रहेका छन्। अब इण्डिज भ्रमणमा को अगाडी बढ्ला, त्यो भने हेर्न बाँकी छ।
- सर्वाधिक चौकाको कीर्तिमान
टि-२० क्रिकेटमा सर्वाधिक चौका प्रहार गर्ने मामिलामा विराट कोहली श्रीलंकाका तिलकरत्ने दिलशानसँग संयूक्तरूपमा पहिलो नम्बरमा छन्। दुबैले समान २२३ वटा चौका प्रहार गरेका छन्। चौका प्रहार गरेर विराटले यस मामिलामा यसपटक तिलकरत्नेलाई पछाडि पार्नेछन्। तर उनी रोहितसँग चनाखो हुनुपर्नेछ, रोहितले २०७ चौका प्रहार गरेका छन्। त्यसैले उनी विराटको निकट छन्। यसमा पनि उनीहरूबिच प्रतिष्पर्धा हुने निश्चित जस्तै छ।