वेस्ट इण्डिज भ्रमणमा रहेको भारतीय टोलीले भ्रमणको सुखद सुरूवात गरेको छ। पहिलो टि-२० सिरिजमा रोमाञ्चक जित हासिल गरेको भारतले दोश्रो खेल पनि जितेको छ। वर्षातले प्रभावित भएको खेल भारतले डकवर्थ लुईस नियम अनुसार जितेको हो।
रिजनल पार्कमा आइतबार सम्पन्न खेलमा भारतले सो नियम अनुसार २२ रनले जित्यो। वर्षाले खेल रोकिदां इण्डिजले १५.३ ओभरमा ४ विकेटको नोक्सानीमा ९४ रन बनाएको थियो। त्यतिबेला कीरिन पोलार्ड र हेटमायर क्रमशः ८ र ६ रन बनाएर खेलिरहेका थिए।
त्यसपछि लामो समय पानी नरोकिएपछि डकवर्थ लुईस नियम अनुसार भारतलाई २२ रनले विजेता घोषित गरियो।
जितसँगै भारतले ३ खेलको टि-२० सिरिजमा कब्जा जमाएको छ। अब अन्तिम खेल खेल्न बाँकी छ।
त्यसअघि ब्याटिङ गरेको भारतले वेस्ट इण्डिजलाई जितका लागि १६८ रनको लक्ष्य दिएको थियो।
भारतको यो स्कोरमा रोहित शर्माले ५१ बलमा ६ चौका र ३ छक्का सहित ६७ रनको योगदान दिएका थिए। रोहित र शिखर धवनले ६७ रन जोड्दै पहिलो विकेटका लागि ६७ रनको बलियो सुरूवात दिलाएका थिए।
त्यसपछि ब्याटिंमा आएका ऋषभ पन्त रविराट कोहलीको विकेट लगातार झरेपछि भारतको रनको गति केहि सुस्त भएपनि अन्तिम ओभरमा क्रुणाल पाँड्याले १३ बलमा आक्रमक २० रन जोड्दै टोलीलाई ५ विकेटको क्षतिमा १६७ को स्कोरमा पुर्याए।