साफ यु-१८ च्याम्पियन्सिपमा नेपालले माल्दिभ्सलाई १-१ गोलको बराबरीमा रोकेको छ।
शुक्रबार हल्चोकस्थित सशस्त्र प्रहरीको मैदानमा भएको खेलमा नेपालले १-० गोलले पछि परेको स्थिति उल्टाएको हो।
नेपालका लागि मनिष डाँगीले ७५ मिनेटमा बराबरी गोल फर्काउदै हार टारेका थिए।
उनले अर्का फरवार्ड ब्रिजेश चौधरीले उपबल्ध गराएको पासमा उनले हेडमार्फत गोल गरेका हुन्।
मनिष कोरियामा हुर्किएर उतै फुटबल खेलिरहेका खेलाडी हुन्।
त्यसअघि माल्दिभ्सले १३ मिनेटमा अग्रता लिएको थियो। रोशन दोङले डिबक्समा गरेको फलमा पाएको पेनाल्टीमा हसन नजिबले गोल गरेका थिए।
जितसँगै दुवै टिमले समूह 'ए' मा १-१ अंक जोडेका छन्।
नेपालले अब दोस्रो खेलमा आइतबार भुटानसँग खेल्नेछ।
समूह 'बी' मा भारत, श्रीलंका र बंगलादेशबीच प्रतिस्पर्धा हुनेछ।
नेपालले यसअघिका दुई संस्करणको उपाधि जितेको थियो।
