इङ्लिश प्रिमियर लिगमा लेस्टर सिटीले एस्टन भिल्लालाई पराजित गरेको छ।
लिग अन्तरगत सोमबार भएको खेलमा लेस्टरले एस्टन भिल्लालाई ४-० ले पराजित गरेको हो।
लेस्टर सिटीको जितमा जेमी भार्डी र हार्वे बार्नेसले दुई-दुई गोल गरे।
टोलीलाई ४-० को जित दिलाउने क्रममा बार्नेसले खेलको ४० औं मिनेटमा पहिलो गोल गरेका थिए।
त्यसपछि जेमी भार्डीले खेलको ६३ र ७९ औं मिनेटमा दुई गोल गरे।
चौथो गोल बार्नेसले खेलको ८५ औं मिनेटमा गरेका थिए।
जितपछि लिगको तेश्रो स्थानमा रहेको लेस्टर सिटीले २९ खेलबाट ५३ अंक जोडेको छ भने लिगको १९ औं स्थानमा रहेको एस्टन भिल्लाको २८ खेलबाट २५ अंक छ।