रोबर्ट लेवान्डोस्किले सिजनमा ५०औं गोल पूरा गरेको खेलमा वायर्न म्युखिनले वायर लेभरकुजेनलाई हराएर जर्मन कपको उपाधि जितेको छ।
शनिबार ४-२ को जित हात पारेर उपाधि कब्जा गरेसँगै वायर्न २०औं पटक जर्मन कप च्याम्पियन बन्यो। वायर्नले १३औं पटक लिग र कप दुवैको उपाधि एकै सिजनमा जित्न सफल भयो।
यसअघि वायर्नले सिजनमा जर्मन बुन्डेसलिगाको उपाधि जितेको थियो।
वायर्नका लागि अलाबाले १६ मिनेटमा पहिलो गोल गरेका थिए। जिनर्बीले २४ मिनेटमा अग्रता दोब्बर पार्दा लेवान्डोस्किले ५९ र ८९ मिनेटमा गरी दुई गोल गरे।
जितसँगै म्युनिख २६ खेलमा अपराजित रह्यो। गत डिसेम्बरमा बराबरीमा रोकिएको वायर्नले लगातार १७ खेलमा जित हात पारिसकेको छ।
दुवै क्लबले सिजनको खेल खेल्न अझै बाँकी छ। वायर्नले च्याम्पियन्स लिगको अन्तिम १६ को दोस्रो लेगमा इंग्लिस क्लब चेल्सीसँग खेल्दैछ। पहिलो लेगमा वायर्न ३-० ले विजयी भएको थियो।
लेभरकुजेनलले पनि युरोपा लिगको दोस्रो लेगमा रेन्जरसँग खेल्ने तय छ।