युरोपियन च्याम्पियन्स लिगको क्वार्टरफाइनलको ड्र सार्वजनिक गरिएको छ।
युइएफएले आगामी अगस्टमा क्वार्टरफाइनलदेखिको प्रतिस्पर्धा मिनि-टुर्नामेन्टको रुपमा आयोजना गर्दैछ। कोरोना भाइरसका कारणले प्रभावित सिजनको लिगको अन्तिम ८ देखिका खेल एक लेगको मात्र हुनेछ।
पोर्चुगलमा हुने मिनि-टुर्नामेन्टअघि बाँकी रहेका अन्तिम १६ का दोस्रो लेगका चार खेल हुनेछन्।
जसमा रियल म्याड्रिड भर्सेस म्यानचेस्टर सिटी, लियोन भर्सेस युभेन्ट्स, नापोली भर्सेस बार्सिलोना र चेल्सी भर्सेस वायर्न म्युनिखबीच खेल छन्।
पहिलो लेगमा म्यानचेस्टर सिटीले रियललाई २–१ गोलले हराएको थियो भने लियोनले युभेन्ट्सलाई १-० ले हराएको थियो। यस्तै नापोली र बार्सिलोनाबीचको खेल १-१ गोलको बराबरीमा सकिएको थियो भने वायर्नले चेल्सीलाई ३-० ले हराएको थियो।
दोस्रो लेगको खेलको भेन्यू दुई क्लबको आपसी सहमतिमा तय हुने जनाइएको छ।
लाइपजिग, एट्लेटिको म्याड्रिड, एटलान्टा र पिएसजीले भने अन्तिम आठमा स्थान पक्का गरेका थिए।
क्वार्टरफाइनलको ड्र
क्वार्टरफाइनलका खेल १२ देखि १५ अगस्टसम्म हुनेछ। त्यसअघि बाँकी रहेका अन्तिम १६ का खेल ७ र ८ अगस्टमा हुनेछन्।
१) रियल म्याड्रिड वा म्यानचेस्टर सिटी भर्सेस लियोन वा युभेन्ट्स
२) लाइपजिग भर्सेस एट्लेटिको म्याड्रिड
३) नापोली वा बार्सिलोना भर्सेस चेल्सी वा वायर्न म्युनिख
४) एटलान्टा भर्सेस पिएसजी
सेमिफाइनल ड्र
सेमिफाइनल १८ र १९ मा अगस्टमा हुनेछ
पहिलो क्वार्टरफाइनलको विजेता भर्सेस तेस्रो क्वार्टरफाइनलको विजेता
दोस्रो क्वार्टरफाइनलको विजेता भर्सेस चौथौ क्वार्टरफाइनलको विजेता