स्वीडेन र क्यानडा जापानमा जारी ३२ औं संस्करणको गृष्मकालिन ओलम्पिक अन्तर्गत महिला फुटबलको फाइनलमा प्रवेश गरेका छन्।
कासिमा स्टेडियममा सोमबार भएको पहिलो सेमिफाइनलमा उपाधिको बलियो दावेदार अमेरिकालाई १–० ले पराजित गर्दै क्यानडा उपाधि नजिक पुगेको हो।
क्यानडाको जितमा जेसी फ्लेमिङले दोस्रो हाफमा पेनाल्टीमार्फत निर्णायक गोल गरिन्। उनले ७४औं मिनेटमा गोल गरेकी थिइन्।
यस्तै अर्को सेमिफाइनलमा उपाधिको बलियो दावेदार अष्ट्रेलियामाथि १–० को झिनो जित दर्ता गर्दै स्वीडेन फाइनलमा पुगेको छ।
निसान स्टेडियममा सोमबार भएको खेलमा स्वीडेनको जितमा ४६औं मिनेटमा फ्रिडोलिना राल्फोले गरेको गोल नै निर्णायक बन्यो।
फाइनल ६ अगस्टमा हुनेछ। त्यसअघि ५ अगस्टमा तेस्रो स्थानको लागि अष्ट्रेलिया र अमेरिकाबीच प्रतिस्पर्धा हुनेछ।
