पृष्ठभूमिमा हिमाल।
बीचमा घर।
त्यही घरको आगँनमा कालो रगंको ठूलो चरा डुलिरहेको थियो। हर्नामाडीस्थित श्री ज्योति माध्यमिक विद्यालयका एक विद्यार्थी त्यो चित्र बनाइरहेका थिए।
साथीहरुले उसलाई जिस्काउदै सोधे, ‘यो के भंगेरा हो?’
शनिबार श्री ज्योतिका विद्यार्थीलाई काठमाडौंस्थित सिर्जना कलेज अफ फाइन आर्टसका विद्यार्थी एवम् प्रशिक्षकले कलाको कार्यशाला सञ्चालन गरे।
‘सिर्जना कन्टेमपोरी आर्ट ग्यालरी’ को सहकार्यमा भएको कार्यक्रममा विद्यार्थीले आफ्नो कल्पनाको संसारमा रमाउँदै विभिन्न चित्र कोरे। साथै, सिर्जना कलेजका शिक्षक देवेन पाण्डेले उनीहरूलाई कलात्मक शुभकामना कार्ड पनि बनाउन सिकाए। उनले भ्यागुता, नमस्तेलगायतका शुभकामना कार्ड बनाउन सिकाए।
‘उनीहरूको उत्साह निकै लोभ लाग्दो थियो,’ देवेनले भने, ‘एकदिनमै केहीले कार्ड पनि बनाउन सिके।’
सिर्जना कलेजकी विद्यार्थी अनिषा भण्डारी काठमाडौंको विद्यालयमा स्कुले विद्यार्थीलाई चित्र बनाउन सिकाउँछिन्। सहरबाहिर यसरी पहिलो पटकको अनुभव निकै रमाइलो भएको उनले बताइन्।
श्री ज्योतिमा कार्यशाला भइरहँदा ‘सिर्जना वाटरकलर वर्कसप’ पनि सञ्चालन भइरहेको थियो। ‘वाटर कलर सोसाइटी’ का एन. बि. गुरुङ, डिलीराम पालपाली र दिपेन्द्र बनेपालीको साथमा सिजर्नाका विधाथीले हेटौंडाको ल्याण्डस्केच चित्रहरु जल रगंमा बनाए।
घरसहितको ल्याण्डस्केप चित्र बनाइरहेका एन.बि.गुरुङका अनुसार वाटर कलरमा छोटो समयमा छिटो चित्र बनाउन सकिन्छ। यसले चित्रलाई ताजापना पनि भर्छ।
कलाकार डिलीराम पालपालीका अनुसार जल रंगको विशेषता छिटै बग्ने किसिमको हुन्छ। रंगलाई नियन्त्रण गरि भएको रगंलाई प्रयोग गर्न सिकाउछ।
सिर्जनामा कक्षा ११ मा अध्ययनरत सुविस्था कायस्थ एक पुरानो घरको ल्याण्डस्केप चित्र बनाइरहेकी थिइन्। यस्ता पुराना घर कमै मात्र देखेकी उनलाई त्यो घरले आकर्षित गरेको रहेछ। जल रगंमा चित्र पनि कमै मात्र बनाएकी हुँदा रमाइलो अनुभव भएको उनले बताइन्।
‘कलेजमा ह्युमन एनाटोमी, स्टिल लाइफ, बेसिक सेपहरुको स्केच बनाउन सिकिरहेकी छु,’ उनले भनिन्, ‘वाटर कलरमा त्यति काम नगरेकाले गाह्रो लाग्छ।’
नोर्बु लामाको भने बुढानिलकण्ठस्थित तौलुगं भन्ने ठाउँमा ३ तलाको पुरानो घर रहेछ। उनलाई पनि सुविस्थाले बनाइरहेको घरले आकर्षित गरेको रहेछ।
डोल्पाका सोनाम छोम्फेलले सिर्जनामा कलेजमा आएपछि आफ्नो कला यात्रा सुरु भएको खुलासा गरे।
‘गाउँमा तेन्जिङ नोर्बु भन्ने थाकां कलाकारले चित्रकलालाई फैलाए। नत्र गाउँमा चित्रकलाको वातावरण नै थिएन्,’ उनले भने, ‘गाउँ फर्किएर चित्रकलालाई प्रबद्धन गर्ने सोच छ।’
कक्षा १२ मा अध्ययनरत छिरिङ तेन्जि सेर्पा गित सुन्दै चित्र बनाइरहेको भेटिए।
‘संगितले कल्पना गर्ने शक्ति दिन्छ। चित्र पनि राम्रो बनाउछ,’ उनले भने, ‘म अरुले पनि बुझ्ने खालको ‘रियालिस्टिक’ चित्र बनाउन रुचाउछु।’
सिर्जना कलेजका शिक्षक रोशन भण्डारी पनि जलरगंमा चित्र बनाइरहेका भेटिए।
‘करिब १० वर्षपछि यस्तो चित्र बनाए। बनाउन भुलिसकेकी भन्ने लागेको थियो तर बिर्सिएको रहेनछु,’ उनले भने।
त्यस्तै, चित्रकार दिपेन्द्र बनेपाली स्थानिय लक्ष्मी मालबुलेको घरको चित्र बनाइरहेका थिए। चित्र बनाउने कागज पुरानो भएर फुलेपछि उनी निराश देखिन्थे।
भने, ‘पुरानो कागज भयो भने फुल्छ। रगं बग्दैन्। त्यसैले सकभर नयाँमा चित्र बनाउनुपर्छ।’
बनेपालीका अनुसार वाटर कलर ‘मास्टर कलर’ हो। यो बनाउन जानेपछि कुनैपनि चित्र बनाउन सकिन्छ।
आइतबार यि सबै चित्रलाई श्री जयोति माध्यमिक विद्यालयमा प्रदर्शनी गरियो। सिर्जना कलेजका उपाध्यक्ष नविन्द्रमान राजभण्डारीले आगामी दिनमा पनि श्री ज्योतिमा कार्यशाला गरिने बताए। साथै, उनले ‘ज्यार्तिमय’ शीर्षकको एब्स्ट्रयाट चित्र बनाइ विद्यालयलाई उपहार दिए।