अभिनेता खगेन्द्र लामिछानेको डेब्यु निर्देशन रहने सिनेमा ‘पानीफोटो’ को शुभु-मुहुर्त गरिएको छ ।
राजधानीको बंगलामुखी मन्दिरमा सिनेमा युनिटले पुजा गर्दै सिनेमाको शुभ-मुहुर्त गरेको हो । ‘भर्सटायल अभिनेता’ उनि सिनेमा ‘पानीफोटो’ बाट निर्देशनमा प्रवेश गरेका छन् ।
बंगलामुखी मन्दिरमा खगेन्द्रसंगै अनुप बराल , मेनुका प्रधान लगायत उपस्थित थिए ।
आफै लिखित नाटकलाई उनले सिनेमाको स्वरुप दिन लागेका हुन् । सिनेमामा उनले झन्डै डेढ दशक अगाडी बेपत्ता भएको छोराको पर्खाइमा बसेको बा-आमाको कथालाई देखाउनेछन् ।
सिनेमा दशक अगाडि गुरुकुलमा मञ्चन भएको चर्चित नाटक ‘पानीफोटो’ को कथामा निर्माण हुन लागेको हो । सिनेमाको एक दिनको छायाँकन काठमाडौं हुनेछ भने त्यसपछि टोली स्याङ्गजा तर्फ लाग्नेछ ।
‘यो मेरो सपना नै थियो कि यसलाई सिनेमा बनाउने किनकी म यो कथालाई धेरै दर्शक माँझ पुर्याउन चाहन्छु’ खगेन्द्रले भने ‘मैले नाटक मन्चनकै समयमा यसलाई सिनेमा बनाउने निर्णय लिएको थिए ।’
सिनेमामा खगेन्द्रसंगै सुनिल पोखरेल , अनुप बराल , मेनुका प्रधान , प्रकाश घिमिरे , माओत्से गुरुङ , बुद्धि तामाङ्ग , कमलमणि नेपाल , अशान्त शर्मा , मलिका महत , प्रकाश घिमिरे, श्यामकुमार खड्का लगायतका कलाकारको अभिनय रहेको छ ।
टुकी आर्टस् र मञ्जुश्री सिनेमा प्रोडक्सनको ब्यानरमा बन्ने यस सिनेमालाई रोजिना सिटौला र रविन्द्र बज्राचार्यले संयुक्त रुपमा निर्माण गर्नेछन् ।
सिनेमालाई सन् २०२० मा रिलिज गर्ने लक्ष्य निर्माण टिमको छ । सिनेमालाई दीपक बज्राचार्यले खिच्नेछन् भने सम्पादन निमेष श्रेष्ठले गर्नेछन् । पुष्पा संगमले सिनेमामा पाश्र्व संगीत दिनेछन् ।