गायकद्वय समीक्षा अधिकारी र प्रसाद लामिछानेको स्वरमा नयाँ लोक गीत 'पानी छल्काले' सार्वजनिक भएको छ। सुरेन्द्र लामिछानेको शब्द रहेको यो गीतमा प्रसाद आफैंले संगीत दिएका छन्।
निर्देशक कुमार केसीको निर्देशनमा तयार भएको गीतकाे म्युजिक भिडिओमा अजय रेग्मीको सिनेमाटोग्राफी छ। भिडिओमा नम्रता सापकोटा, सुरेन्द्र लामिछाने र प्रल्हाद सुवेदीको अभिनय तथा प्रस्तुति रहेको छ।
गीत बिहीबार युट्युब च्यानल 'प्रसाद डिजिटल म्युजिक' मार्फत सार्वजनिक गरिएको हो।