गायक नवीन के भट्टराई जस्तोसुकै अवस्थामा पनि संगीतमा निरन्तरता दिने नाम बनेका छन्। आफ्नै रफ्तारमा गीत बनाउने र सार्वजनिक गर्ने क्रममा उनले हालै नयाँ गीत सार्वजनिक गरेका छन्। गायक नवीनले आफ्नै युट्युब च्यानलमा आज मंगलबार 'सम्झिरहन्छुु' बोलको म्युजिक भिडिओ सार्वजनिक गरेका हुन्।
'सम्झिरहन्छुु' गीतमा शब्द र संगीत उनकै छ। यसमा संगीत संयोजन पनि नवीनले नै गरेका छन्। नवीना भट्टराईले निर्देशन गरेको म्युजिक भिडिओमा अभिनेत्री वर्षा शिवाकोटी र राज कटवालको अभिनय छ।
सौरभ लामाले छायांकन गरेको भिडिओको सम्पादन अर्जुन जिसीले गरेका छन्।
