अक्षय कुमार अभिनित पछिल्लो सिनेमा ‘केशरी’ले प्रदर्शनको १७ दिनमा करिब १४० करोड भारू कमाइ गरेको छ।
सिनेमाले रिलिजको तेश्रो साताको पहिलो दिन १.६५ करोड भारू कमाइ गर्यो। त्यस्तै सिनेमाले शनिबार २.३२ करोड भारू कमायो।
कमाइको यो रफ्तारले १५० करोड भारूको आँकडा सिनेमाले सजिलै छुने भारतीय संचारमाध्यमले जनाएका छन्। पहिलो साता १०५.८६ करोड भारू कमाएको सिनेमाले दोश्रो सातामा ३० करोडमाथिको कारोबार गरेको थियो।
सिनेमालाई दर्शक र समिक्षक दुबैबाट तारिफ मिलिरहेको छ। सिनेमाले 'वर्ड अफ माउथ’ पनि राम्रै पाएपछि कमाइको यो आँकडा पार गरेको हो। सिनेमा भारतसहित संसारभरका ४२०० स्क्रिनमा रिलिज भएको थियो।
सिनेमाले साल २०१९ को सर्वाधिक ठूलो ओपनिङमा समेत गर्यो। सिनेमा स्वतन्त्र भारत अघिको ‘सारागढीको युद्धमा आधारित सिनेमा हो। सिनेमामा उनीसँगै परिणिति चोपडा प्रमूख भूमिकामा छिन्।
सिनेमाका निर्देशक अनुराग सिंह हुन्।
