नवाज शरिफ उच्च रक्तचापको कारण बिरामी परेपनि स्वास्थ्य जाँच गर्न नदिएको खुलासा भएको छ।
उनले आफ्नो पारिवारिक चिकित्सकसँग नै जाँच गराउनका लागि दिएको निवेदन पनि अस्वीकृत गरिएको समाचारमा जनाइएको छ।
पाकिस्तान सरकारका स्वास्थ्य अधिकारीले नै शरिफको निवेदन अस्वीकार गरेको उनको पार्टी मुस्लिम लिग नवाज (पिएमएल–एन) ले सोमबार बताएको हो।
पाकिस्तानमा आगामी बुधबार आमनिर्वाचन हुँदैछ। सो निर्वाचनमा पाकिस्तानमा शक्तिशाली मानिएको सेनाको समूहले पिएमएल–एनविरुद्ध मतदान गराउने कोाशिस गरेको सरोकारवालाहरुले बताएका छन्।
यसै महिनाको शुरुमा पाकिस्तान फर्किएका शरिफलाई लाहोरस्थित विमानस्थलमा ओर्लिएलगत्तै पक्राउ गरिएको थियो।
शरिफलाई हालै मात्र यहाँको एक अदालतले १० वर्ष जेल सजायको फैसला सुनाएको थियो। इस्लामावादमा रहेको एक अदालतले केही समयअघि उनलाई १० वर्ष कारावासको फैसला गरेको हो।
उनलाई यसरी पक्राउ गरिएपछि पाकिस्तानको राजनीतिमा उतारचढाव हुँदै आएको छ। पाकिस्तानमा यही जुलाई २५ अर्थात् बुधबार हुन लागेको सो संसद्को निर्वाचनमा पनि सेनाको भूमिकाका बारेमा विविध प्रश्नहरु उठाइएको छ।
निर्वाचनको पूर्वसन्ध्यामा शरिफलाई नियन्त्रणमा लिएपछि पाकिस्थानको राजनीतिमा नयाँ उथलपुथलको सम्भावना रहेको बताइन्छ।
उनले आफूलाई पाकिस्तानको सेनाले सधैँ तारो बनाउँदै आएको बताएका छन्।
उनलाई १० वर्षे जेल सजायसँगै एक करोड अमेरिकी डलर जरिवाना पनि अदालतले तोकिएका थियो।
श्रीमतीको उपचारका लागि पूर्वप्रधानमन्त्री शरिफ बेलायतको लण्डनमा थिए। उनकी श्रीमती क्यान्सर रोगबाट पीडित छन्।
