सेञ्चुरी कमर्सियल बैंकको दुई वर्षको साधारणसभा सम्पन्न भएको छ।
बैंकको नवौं तथा दशौं वार्षिक साधारण सभाबाट तीन संचालक निर्वाचित भएका छन्। सभाले संस्थापक शेयरधनीहरुबाट प्रतिनिधित्व गर्ने रमेश कुमार निरौला, मन बहादुर राई र रणबहादुर श्रेष्ठलाई निर्वाचित गरेको छ।
बैंकका अध्यक्ष राजेश कुमार श्रेष्ठको अध्यक्षतामा बसेको सभाले शेयरधनीहरुलाई आ.व. २०७५/७६ को मुनाफाबाट चुक्ता पुँजीको ४.७५ प्रतिशत नगद लाभांश (कर सहित) र २ प्रतिशत बोनश शेयर तथा उक्त बोनश शेयर वितरण पश्चात् हुन आउने चुक्ता पुँजीमा आ.व. २०७६/७७ को मुनाफाबाट ५.२५ प्रतिशत बराबरको बोनस सेयर र २.२५ प्रतिशत नगद लाभांस (कर सहित) वितरण गर्ने प्रस्ताव पारित गरेको छ।
साथै साधारण सभाले दुई वर्षको लेखापरीक्षकको प्रतिवेदन सहित आर्थिक विवरण, वासलात, नाफा नोक्सान हिसाब र नगद प्रवाह विवरण बाँडफाट लगायतका प्रतिवेदन पारित गरेको छ।
चालु आवको असोज मसान्तसम्म यस बैंकले कुल निक्षेप ८२.४२ अर्व र कर्जा रकम ६६.९३ अर्व परिचालन गरी २२.०२ करोड नाफा आर्जन गर्न सफल भएको छ।
