सरकारले प्राविधिक तथा व्यवसायीक विषयको पठनपाठनलाई प्राथमिकता दिने तयारी गरेको छ।
आगामी आर्थिक वर्षको नीति तथा कार्यक्रम आज संसदमा पेश गर्दै राष्ट्रपति विद्यादेवी भण्डारीले प्राविधिक तथा व्यवसायिक विषय समावेश गरिने बताइन्।
‘कक्षा ९ देखि स्नातक तहसम्मका पाठ्यक्रममा परिमार्जन गरी प्राविधिक तथा व्यवसायिक विषयलाई समावेश गरिनेछ,’ उनले भनिन्।
प्राविधिक शिक्षालय सबै स्थानीय तहमा विस्तार गरिने उनको भनाइ छ।
साथै विद्यालयहरूमा खेलकूद क्लव गठन गरिने पनि उनले बताइन्।