देशको आर्थिक अवस्था सुधारका लागि नेपाली कांग्रेसका नेता शेखर कोइरालाले विज्ञहरूसँग छलफल गरेका छन्।
आज काठमाडौंमा भएको छलफलमा समसामयिक राजनीतिक तथा आर्थिक अवस्थाका बारेमा पनि छलफल भएको कोइरालाको सचिवालयले जनाएको छ।
कांग्रेस केन्द्रीय सदस्यसमेत रहेका राष्ट्रिय योजना आयोगका पूर्वउपाध्यक्ष गोविन्दराज पोखरेल, पूर्वमुख्यसचिव विमल कोइराला, विश्लेषक अच्युत वाग्ले, व्यवसायी नरेश श्रेष्ठ र पुरञ्जन आचार्यसँग कोइरालाले छलफल गरेका हुन्।
छलफलका क्रममा विज्ञहरूले राखेका धारणा तथा सुझाव पार्टी केन्द्रीय समिति तथा कार्यसम्पादन समितिलगायतमा राख्ने पनि कोइरालाले बताएका थिए।