एनएमबि बैंकको विशेष साधारण सभाले ओम डेभलपमेन्ट बैंक गाभ्ने प्रस्ताव पारित गरेको छ।
दुवैको सम्पत्ति र दायित्वको मूल्यांकन प्रतिवेदनका आधारमा शेयर मूल्य अनुपात ओमको १ सय बराबर एनएमबिको ७६ रहनेगरी स्वीकृत भएको छ।
अब ओम डेभलपमेन्ट बैंकको १ सय कित्ता सेयर हुनेले एनएमबि बैंकको ७६ कित्ता शेयर प्राप्त गर्नेछन्। मर्जर पश्चात एनएमबि बैंकको कुल पुँजी तथा जगेडा कोष बढेर २० अर्ब ४२ करोड पुग्नेछ। त्यस्तै निक्षेप र कर्जा बढेर क्रमशः १ खर्ब १९ अर्ब र १ खर्ब १३ अर्ब पुग्नेछ।
मर्जले सर्वसाधारणको विश्वसनीयता अभिवृद्धि गर्दै मुलुकको बैंकिङ्ग तथा वित्तीय प्रणालीलाई सुशासित, सुरक्षित, स्वस्थ, बनाउने बैंकको दावी छ।
साथै लगानीकर्ताहरुको हितको संरक्षण गर्न, बैंकको वित्तीय, मानव संशाधन, प्राविधिक एवं अन्य क्षमता अभिबृद्धि गरी आधुनिक बैंकिङ्ग सुबिधा अझ प्रभावकारी ढंगले प्रदान गर्ने प्रतिबद्धता बैंकले जनाएको छ।
