मुक्तिनाथ विकास बैंकले कर्जाको साँवा र व्याज तथा काज क्रिया रकम क्रमशः १ लाख ८ हजार ७ सय १७ रुपैंया र १ लाख १४ हजार ८० रुपैंया मृतककै घरमै गई प्रदान गरेको छ।
बैंकको शाखा कार्यालय सल्यानटार, धादिङबाट लघु कर्जा लिएका कैली दमिनी र महाराजगञ्ज, काठमाडौंबाट लघु कर्जा लिएका कान्छी मर्हजनको असमायिक निधन भएकाले उक्त रकम प्रदान गरिएको हो।
यसैगरी, बैंकको ग्राहक सदस्य धुनिवेसी ७, खानीखोलाकी दुर्गा भण्डारीको श्रीमानको असमायिक निधन र टोखा २, बानियाटारकी मैया बानीयाको श्रीमानको असमायिक मृत्यू भएकोले काज क्रिया खर्च वापत ५ हजार प्रति सदस्य राहत प्रदान गरिएको छ।
बैंकको शाखा कार्यालय धार्के, धादिङबाट लघु कर्जा लिएकि राधाकृष्ण कार्कीले संचालन गर्दै आइरहेको कुखुरापालन परियोजना आगलागी भै क्षति भएकाले निज सदस्यको परियोजनाको स्थलगत निरिक्षण गरी राहत स्वरुप ५ हजार रकम दिइएको बैंकले बताएको छ।
यसरी विभिन्न शाखा कार्यालयहरुवाट कुल जम्मा २ लाख २७ हजार ७ सय ९७ कर्जा मिनाहा तथा राहत वितरण गरिएको बैंकका प्रमुख सुचना अधिकारी तिल बहादुर गुरुङ्गले बताए।
यो महामारीको समयमा पनि बैंकका कर्मचारीहरु सामाजिक तथा भौतिक दुरी कायम गर्दै ग्राहकहरुलाई स्थलगत रुपमा नै उपस्थित भै कर्जा मिनाहा तथा राहत वितरण गरेको बैंकको भनाइ छ।