माछापुच्छ्रे बैंकले आफ्नो २०औं वर्ष पूरा गरेको छ। यस अवसरमा बैंकले नयाँ ६ वटा स्मार्ट सेवाहरु संचालनमा ल्याएको छ।
बैंकले नेपालमा नै पहिलोपटक वि च्याट वालेटको भुक्तानी सेवा सुरु गरेको हो। क्युआरकोड स्क्यान गरेर आफ्नो खाताबाट नगद निकाल्न सक्नेगरी एमबिएल स्मार्ट काउन्टर सेवा पनि सुरु गरेको छ ।
यसैगरी, बैंकले नयाँ स्मार्ट वेवसाइट सोही दिनबाट सुरुवात गरेको छ। ग्राहकले स्मार्ट वेवसाईट मार्फत बचत खाता खोल्न र क्रेडिट कार्डको अनलाईन आवेदन दिनसक्ने व्यवस्था गरेको छ।
यो बैंकले विभिन्न ट्वान्टी÷ट्वान्टी अफरहरु संचालनमा ल्याएको छ। दरबारमार्ग र लाजिम्पाटमा बैंकले प्रायोरिटी काउन्टर पनि संचालनमा ल्याउदैँ छ।
बैंकले ओखलढुङ्गा जिल्लाको सिद्धिचरण नगरपालिकामा १६०औँ शाखा कार्यालय समेत संचालनमा ल्याएको छ।
हालसम्म बैंकको १६० वटा शाखाहरु, १३३ शाखारहित बैकिङ्ग सेवा, ५ वटा एक्सटेन्सन, १९९ वटा एटीएमहरु सञ्चालनमा छन्।