नेपालमा हाल सञ्चालनमा रहेका स्वास्थ्य सेवा प्रदायक संस्था, अस्पताल वा उद्योगहरुलाई लिक्विड अक्सिजन प्लाण्ट वा अक्सिजन प्लाण्ट स्थापना गर्ने प्रयोजनको लागि कर्जा माग भएमा बैंक तथा वित्तीय संस्थाहरुले आधार दरमा नै कर्जा प्रवाह गर्नुपर्ने भएको छ।
कोभिड १९ बाट सिर्जित असहज अवस्थालाई मध्यनजर गर्दै नेपाल राष्ट्र बैंकले त्यस्तो प्रकृतिको ऋण लिनेबाट आधार दर बराबरकै ब्याज मात्रै लिन पाउने व्यवस्था गरेको हो।
त्यस्तै नेपालमा हाल सञ्चालनमा रहेका स्वास्थ्य सेवा प्रदायक संस्था, अस्पताल वा उद्योगहरुलाई लिक्विड अक्सिजन प्लान्टको लागि ५० करोडसम्म तथा अक्सिजन प्लान्ट स्थापना गर्ने प्रयोजनको लागि २० करोडसम्मको कर्जालाई एक वर्षको लागि विशेष पुनरकर्जा उपलब्ध गराउने व्यवस्था मिलाइने राष्ट्र बैंकले जनाएको छ।
यस्तो विशेष पुनर्कर्जाको ब्याजदर जम्मा ३ प्रतिशत मात्रै हुन्छ।
ब्याज पुँजीकरणको लागि यस बैंकबाट स्वीकृति प्राप्त गरिसकेका विद्युत परियोजनाहरुको व्यवसायिक उत्पादन मिति परिवर्तन भएमा सो अबधिको ब्याज पुँजीकरण गर्न राष्ट्र बैंकको स्वीकृति आवश्यक नपर्ने व्यवस्था गरिने भएको छ।
बैंक तथा वित्तीय संस्थाहरुले संस्थागत सामाजिक उत्तरदायित्वअन्तर्गत छुट्याएको कोषको रकम हालको विषम परिस्थितिलाई दृष्टिगत गरी अक्सिजन सिलिण्डर, अक्सिजन कन्सन्ट्रेटर, जीवन रक्षक भ्याक्सिन, औषधी आदि कार्यमा खर्च गर्न सक्ने व्यवस्था मिलाइने राष्ट्र बैंकले जनाएको छ।
त्यसैगरी, राष्ट्रिय महत्वका आविष्कार केन्द्र तथा मानव सेवा जस्ता परोपकारी कार्यमा गरेको खर्च समेत उक्त कोषबाट हुने खर्चमा गणना गर्न सकिने व्यवस्था मिलाइने छ।
हेर्नुस् कुन बैंकको आधार दर कति छ?
बैंक | आधार दर ०७७ चैत |
स्टान्डर्ड चार्टड | 5.33% |
राष्ट्रिय वाणिज्य | 5.50% |
इन्भेष्टमेन्ट | 5.95% |
नेपाल | 5.98% |
एभरेष्ट | 6.10% |
नबिल | 6.18% |
सानिमा | 6.23% |
ग्लोबल आइएमई | 6.40% |
हिमालयन | 6.75% |
एनआइसी एसिया | 6.77% |
लक्ष्मी | 6.79% |
सिद्धार्थ | 6.99% |
प्रभु | 7.06% |
माछापुच्छ्रे | 7.09% |
प्राइम कमर्सियल | 7.14% |
एनएमबि | 7.19% |
सनराइज | 7.23% |
एनसिसी | 7.41% |
सिटिजन्स | 7.44% |
एसबिआइ | 7.46% |
कृषि विकास | 7.48% |
नेपाल बंगलादेश | 7.56% |
मेगा | 7.59% |
बिओके | 7.60% |
कुमारी | 7.63% |
सेन्चुरी | 7.77% |
सिभिल | 7.82% |