सनराइज बैंक लिमिटेडले बैंकिङ पहुँच नपुगेका देशका विभिन्न स्थानमा शाखारहित बैंकिङ सेवा विस्तार गर्दै आएको छ। सोही क्रममा बैंकले कर्णाली प्रदेशको विरेन्द्रनगर नगरपालिका बयलकाँडामा ८२ औं शाखारहित बैंकिङ सेवा सुरु गरेको छ।
त्यसैगरीे गत हप्ता बैंकलै सुदुरपश्चिम प्रदेशको जानकी गाउँपालिका खैरीफाँटामा ८० औं र टिकापुर नगरपालिका धनसिंहपुरमा ८१ औं गरि थप २ शाखारहित बैंकिङ सेवा सुरुआत गरेको छ।
योसँगै बैंकको शाखा रहित बैंकिङ संख्या ८२ पुगेको छ। बैंकले उक्त स्थानहरुमा सेवा सञ्चालनका लागी बयलकाँडाका स्थानीय व्यवसायी नवराज रोकाया, खैरीफाँटाका एकराज खड्का र धनसिंहपुरका किर्त ठकुल्लालाई व्यावसायिक प्रतिनिधिका रुपमा नियुक्त गरेको छ।
शाखारहित बैंकिङबाट निक्षेप संकलन, रकम भुक्तानी, रकम स्थानान्तरण, बिल भुक्तानीलगायत बैंकले प्रदान गर्ने अन्य सेवासमेत उपलब्ध हुने बताएको छ।
बैंकले हाल १३९ वटा शाखा, १२ वटा एक्सटेन्सन काउण्टर, १६१ वटा एटिएम र ८२ वटा शाखारहित बैंकिङ सेवा मार्फत सेवा दिइरहेको छ।
