अभियान लघुवित्तको आइपिओ सोमबार बाँडफाँट भएको छ ।
विक्री प्रबन्धक मुक्तिनाथ क्यापिटलको कार्यालयमा भएको बाँडफाँटमा गोलाप्रथामार्फत ९१ हजार ३७५ जना सर्वसाधारणले सेयर पाएका छन्।
उक्त आइपिओमा १९ लाख ८० हजार ९७० जनाले आवेदन दिएकोमा २ हजार ३७६ जनाको आवेदन रद्द भएको बिक्री मुक्तिनाथ क्यापिटलले जानकारी गराएको छ ।
कम्पनीले साउन १८ देखि २२ गतेसम्म कुल ९ करोड ७५ लाख बराबरको ९ लाख ७५ हजार कित्ता आइपिओ सर्वसाधारणका लागि निष्कासन गरेको हो।
कम्पनीले निष्कासन कुल कित्ता शेयरमध्ये ०.५ प्रतिशत अर्थात् १२ हजार ५०० कित्ता कर्मचारीहरूका लागि तथा ५ प्रतिशत अर्थात् ४८ हजार ७५० कित्ता सामूहिक लगानी कोषहरूलाई सुरक्षित गरिएको छ भने बाँकी ९ लाख १३ हजार ७५० कित्ता शेयर सर्वसाधारणका लागि निष्कासन गरेको थियो ।
लगानीकर्ताले मुक्तिनाथ क्यापिटलको वेबसाइट र मेरो सेयर एकाउन्टबाट आइपिओको नतिजा हेर्न सक्नेछन्।
साथै, अभियान लघुवित्तको वेबसाइट तथा सिडिएस एन्ड क्लियरिङको वेबसाइट बाट पनि नतिजा हेर्न सकिने व्यवस्था छ।