एनआइसी एशिया बैंकले सर्वश्रेष्ठ बचत खाता योजनाअन्तर्गत खाता खोलेका तीन जना ग्राहकहरूलाई घातक रोगको बीमा बापत प्रतिव्यक्ति १० लाख रुपैयाँको दरले कुल ३० लाख रुपैयाँ बिमा रकम भुक्तानी गरेको छ।
बीमा लाभ प्राप्त गर्नेमा स्वयम्भू शाखा, जाजरकोट शाखा, थली शाखामा सर्वश्रेष्ठ बचत खाता ‘एम्बेसडर’ श्रेणीको खाता खोलेका हरिन्द्र शाह तेली, प्रचण्डजंग शाह र सञ्जित तामाङ रहेका छन्।
उनीहरूलाई बैंकका सहायक प्रमुख कार्यकारी अधिकृत सन्तोषकुमार राठी र चिफ स्ट्राटेजी अफिसर विशाल सिग्देलले संयुक्त रूपमा एक कार्यक्रमका बीच बीमा रकम बराबरको चेक हस्तान्तरण गरेका छन्।
बैंकले नेपाल इन्स्योरेन्ससँगको सहकार्यमा बीमा रकम भुक्तानी गरेको हो।
बचत खातामा उपलब्ध बीमा सुरक्षण योजनाअन्तर्गत हालसम्म देशभरका एक हजार एक सय ३७ जनाभन्दा बढी ग्राहकहरूले घातक रोग बीमा बापत २ करोड ४० लाख रुपैयाँ, दुर्घटना बीमा बापत ४० लाख रुपैयाँ र मेडिकल बीमा बापत २ करोड ६९ लाख रूपैयाँ गरी कुल ५ करोड ४९ लाख रूपैयाँभन्दा बढी बीमा रकम प्राप्त गरिसकेको बैंकले जनाएको छ।