भूकम्पपछि बन्द भएको काठमाडौंको पाँचतारे होटल एभरेष्ट साउनदेखि सञ्चालन हुने भएको छ। भूकम्पपछि रातो स्टिकल लगाएपछि बन्द भएको होटल मुद्दा मामिला र मजदुर व्यवस्थापन विवाद सबै समाधान भएपछि साउनदेखि होटल सञ्चालन हुने वातावरण बनेको हो।
होटलमा कार्यरत मजदुरहरुले सेवा सुविधा निरन्तरताको माग गर्दै श्रम अदालत गएका थिए। उनीहरुले त्यहाँबाट जितेपछि व्यवस्थापनले अदालतमा मुद्दा दायर गरेको थियो।
गएको फागुन १२ गते व्यवस्थापन र मजदुरबीच सहमति भएपछि व्यवस्थापनले आज मुद्दा फिर्ता लिएको होटलमा कार्यरत मजदुर युनियिनका सचिव राजु बडुवालले जानकारी दिए।
सहमतिअनुसार व्यवस्थापनले होटल बन्द भएदेखिको तलब भत्ता उपलब्ध गराउने, तलबमा ५ प्रतिशत बृद्धि हुने भएको छ।
होटलमा अहिले १ सय २८ जना मजदुर कर्मचारी कार्यरत भएको बडुवालले जानकारी दिए।
