हेटौडा कपडा उद्योग र बुटबल धागो कारखाना पुन: सञ्चालन गर्न भन्दै सरकारले भाडामा दिने निर्णय गरेको छ । रुग्ण उद्योगको सम्पती बेच्ने भन्दा निजी क्षेत्रलाई संचालनमा दिने सरकारी योजना अन्तर्गत भाडामा दिने निर्णय गरेको हो ।
उद्योग मन्त्रालयले हेटौडा कपडा उद्योगको जग्गा, भवन, मेशिन, व्यसाय लगायतका चल अचल, स्थिर सम्पति भाडामा वा बाहालमा दिने प्रस्ताव मन्त्रीपरिषदमा लिएको छ।
यस्तै बुटवल धागो कारखाना पुन: सञ्चालनका लागि ३० वर्षसम्म भाडामा दिने बताएको छ । कारखानाको जग्गा, भवन, मेशिनसहित चल अचल सम्पती भाडामा दिने प्रस्ताव मन्त्रीपरिषदमा पुगेको छ।