नेपालमा सबैभन्दा धेरै संख्यामा बिक्री हुने मोबाइलमध्ये ‘लाभा’ पनि एक हो। लाभा इन्टरनेसनलले लाभाका फोनलाई नेपाली बजारमा ल्याउँदै आएको छ।
विगत दस वर्षदेखि नेपाली बजारमा लाभाका विभिन्न फोनहरू बिक्री भइरहेका छन्। नेपाल दूरसञ्चार प्राधिकरणका अनुसार नेपालमा लाभा ब्रान्डको हिस्सा सबैभन्दा धेरै, १५ प्रतिशत छ।
विशेषगरी ’बारकिप्याड’ फोनमा लोकप्रिय लाभाले स्मार्टफोन पनि सस्तो मूल्यमै ल्याइरहेको छ। किप्याड फोन चलाइरहेका उपभोक्तालाई मूल्य र फिचर्समा सहज हुनेखालका टच स्मार्टफोन भर्खरै बजारमा ल्याएको छ।
नयाँ स्मार्टफोन लाभा–बेंको वाइ सिरिजअन्तर्गत बेंको वाइ–४०, बेंको वाइ–३०, बेंको वाइ–५० र बेंको –५० प्रो छन्।
यी स्मार्टफोन दस हजार रुपैयाँभन्दा कम मूल्यमा पाइने लाभा इन्टरनेसनलका मार्केटिङ म्यानेजर शंकर मैनालीले जानकारी दिए। सस्तो मूल्यमा धेरै सुविधा पाइने यी स्मार्टफोनबाट आधुनिक प्रविधिको प्रयोग सजिलै गर्न सकिने उनको भनाइ छ।
‘नयाँ टचस्क्रिन प्रविधि, इन्टरनेटमा आधारित म्यासेन्जिङ तथा कल सुविधा, मेमोरी कार्ड नराखी फिल्म स्टोर गरी हेर्न सकिने लगायत सबै आधारभूत सुविधा छ,’ उनले भने।
पछिल्लो समय पढाइ प्रयोजनमा स्मार्टफोन खोजिरहेका स्कुले विद्यार्थीका लागि पनि लाभाका स्मार्टफोन उपयुक्त विकल्प हुने उनको भनाइ छ।
यहाँ सस्तो मूल्यमा पाइने बेंको वाइ–४० उल्लेख गरिएको छ।
यो स्मार्टफोनमा ग्राहकले ५ इञ्चको डिस्प्ले पाउँछन्। यसमा २५ सय एमएएच ब्याट्री छ। फोनमा दुई क्यामरा दिइएको छ जसमा ५ मेगापिक्सलको ब्याक र २ मेगापिक्सलको सेल्फी। ग्राहकले यो फोनमा १ जिबी र्याम र ३२ जिबी स्टोरेज पाउँछन्। अनुहार र फ्रिंगरप्रिन्टबाट फोन अनलक गर्न सकिने यो हरियो र निलो रङमा उपलब्ध रहेको कम्पनीले बताएको छ।
फोनका मुख्य विशेषताः
बेंको वाइ–४०
डिस्प्लेः ५.० इन्च
ब्याट्रीः २५०० एमएएच
क्यामराः मुख्य क्यामरा ५ मेगापिक्सल र २ मेगापिक्सल सेल्फी
स्टोरेजः १ जिबी याम र ३२ जिबी रोम
अनुहार र फ्रिंगरप्रिन्टबाट फोन अनलक गर्न सकिने
रङः हरियो र निलो
मूल्यः ७ हजार ४ सय ९९ रूपैयाँ
