निम्बस कम्पनीले आइतबारबाट अनलाइन सपिङ सुरु गरेको छ। कोभिड–१९ (कोरोना भाइरस) विश्वभर फैलिएपछि यसको जोखिम कम गर्न भीडभाडमा जान नपरोस् भनेर कम्पनीले ‘निम्बस बजार डटकम’मार्फत यस्तो सेवा सुरु गरेको हो।
कम्पनीले तेल, दाल, पिठो, अचार, चिउरा, पापड, दालमोठलगायतका खाद्य सामाग्री उत्पादन गरिरहेको छ। कम्पनीले आफै उत्पादन गरेको सामाग्री अनलाइनमार्फत विक्री गरेको निम्बसका अध्यक्ष आनन्द बगारियाले बताए।
उनका अनुसार हाल यो सेवा काठमाडौंमा मात्रै संचालन गरिएको छ।आवश्यक परेमा अन्य ठाउँमा पनि संचालन गरिने उनले जानकारी दिए।
‘यो फाइदाका लागि भन्दा सामाजिक उत्तरदायित्व सम्झिएर सुरु गरेका हौं’, उपभोक्ताको माग बमोजिम आवश्यक परे अन्य ठाउँमा पनि सेवा दिन्छौं, अध्यक्ष बगारियाले भने।
सामाग्री लिन ‘निम्बस बजार डटकम’मा उपभोक्ताले नम्बर र आवश्यक सामाग्रीको लिष्ट पठाउनु पर्ने पर्नेछ।
उनकाअनुसार दुई हजार भन्दा कम मूल्यका सामान अडर गर्नेलाई २ सय चार्ज लिइनेछ भने २ हजार बढी मूल्यका सामानलाई निःशूल्क होम डेलिभरी गरिन्छ।
