कोरोना भाइरसको संक्रमण हुन नदिन सरकारले गरेको लकडाउन उलंघन गरी सवारी चलाउने उपत्यकामा घटेका छन्।
बिना काम लकडाउन उलंघन गरी सवारी चलाउने आज जम्मा दुई सय ३५ सवारीसाधन नियन्त्रणमा लिइएको माहानगरीय ट्राफिक प्रहरी माहाशाखाले जनाएको छ।
यी मध्ये दुई सय १२ ओटा दुई पाग्रे र २३ ओटा चार पांग्रे रहेका छन्।
हिजो एक हजार ६३ ओटा सवारीसाधन कारबाहीमा परेका थिए। हिजो समातिएका सवारीसाधनलाई सम्झाई बुझाई गरेर छोडिएको महाशाखाका प्रवक्ता जिवनकुमार श्रेष्ठले जानकारी दिए।
'आज समातिएका सवारीसाधनलाई जरिवाना तिराउने कि सम्झाएर छोड्ने तय भइसकेको छैन,' उनले भने। त्यस्तै बिना काम घरबाट ननिस्कन उनले आग्रह गरे।