नेपाल क्लियरिङ्ग हाउस लिमिटेड (एनसिएचएल)बाट सञ्चालनमा रहेका प्रणालीहरुमध्ये ईलेक्ट्रोनिक चेक क्लियरिङ्ग (एनएचसिएल–इसिसी) र अन्तरबैंक भुक्तानी प्रणाली ( एनसिएचएल–आइपिएस) मा विहीबारदेखि समय थपिएको छ।
सोही व्यवस्थाअनुसार एनएचसिएल–इसिसीको रेगुलर सेसनमा दिनको १स्३० बजेसम्म जम्मा गरिएका चेकहरु र एनसिएचएल–आइपिएसमा दिनको १स्०० सम्म प्राप्त भएका भुक्तानी आदेशहरु सोही दिनमा फर्छौट हुने बताइएको छ।
उक्त समय सिमापछि प्रणालीमा आएका कारोबारहरु अर्को दिनमा फर्छौट हुने व्यवस्था गरिएको छ।
हालको लकडाउनको अवस्थामा बैंक वित्तिय संस्थाहरुका सीमित शाखाहरुबाट मात्र कारोबार हुँदै आएको छ।
लकडाउनको दोस्रो हप्तासम्म एनएचसिएल–इसिसी र एनसिएचएल–आइपिएस मार्फत् प्रत्येक दिन ११स्३० बजे सम्म प्राप्त भएका कारोबारको मात्र सोही दिनमा क्लियरिङ्ग हुँदै आएको थियो।
चैत्र मसान्तमा अत्यावश्यक सेवा सुविधा अन्तर्गतका भुक्तानीहरुको चाप अधिक हुने हुँदा लकडाउनको तेस्रो हफ्ताको लागि क्लियरिङ्ग र सेटल्मेन्टको समय परिवर्तन गरिएको हो।
कर्मचारीहरुको तलब भत्ता, सरकारी भुक्तानीहरु, सप्लायर÷पार्टी पेमेन्टहरु, कस्टमर फण्ड ट्रान्स्फर लगायतका भुक्तानीहरु चैत्र मसान्तमा अधिक मात्रामा हुने कम्पनीको भनाइ छ।
लकडाउनको दौरान एनसीएचएलले पहिलो र दोस्रो हफ्तामा क्रमशः १८.६ अर्ब र ३५.६ अर्ब बराबरको कारोबार फर्छौट गरेको छ।
